Giele - das isch öie Tag!
- Hans Peter Gribi
- vor 4 Tagen
- 1 Min. Lesezeit
Samstag, 11. April 2026, 19:00 Uhr, Aarolina Aarberg, Meisterschaft 4. Liga
Dä Samschtig isch e sehr spezielle Schpiutag. Erscht gäge Viert und Zwöit gäge dr Dritt.
Die Konschtellation isch wie derfür gschaffe, bis zum Abpfiff über d'Aarolina z'fäge wie ne Orkan, Fuure y Bitz z'rysse und bis zur letschte Minute z'kämpfe mit em Mässer zwüsche de Zähn. Hüt chöit dir zeige, was dir uf em Chaschte heit, dass ds Kollektiv figuretlet und jede für jede secklet, wie wenns ums Läbe gieng. Zeiget aune, was dir für geili Cheibe sit und das dir es Team sit, jo e verschworeni Gseuschaft, Winner-Type.
Giele - das isch öie Tag!
Schpiele, loufe, schpiele und mitenand rede, kommuniziere und dr Gloube ha. Dr Muet ha, mou es Solo z'riskiere, oder eifach chautschnöuzig abzdrücke. Ig gschpüres im Wasser - dir packet die Chance. Und de nää mir de zäme eis!
Viu Glück Jungs!
Kommentare