FC Aarberg a - FCB 1:2 (0:0)

Hans Peter Gribi
vor 5 Stunden
5 Min. Lesezeit

Wichtige Punkte im Aufstiegsrennen

Samstag, 11. April 2029, 19:00 Uhr, Aarolina Aarberg

Meisterschaft 4. Liga

Text: Hans Peter "Budi" Gribi

Foto: Stephan Kubacki

Aufstellung FCB (4-1-4-1)

Noe Fankhauser, Silas Adam (88' David Vuilleumier), Nick Eggenberger, Denis Schneider, Marco Günther, Men Meier, Joel Miguel Zambrano, Fabian Schuler, Noah Raul Zambrano (49' Ruben Dos Santos), Simao Lopes (74' Fabian Hänzi), Yannic Kubacki

Ersatz

Tim Blatter, Numa Marmier

Abwesend

Mario Bärtschi, Manuel Bigler (gesperrt), Fabian Jenni, Daniel Marti

Verletzt

Alex Jorge Files, Joel Knörr, Luca Lauper, Dario Leisi, Joel Tüscher

Staff

Patrick Meier (Trainer), Gianluigi Maffeo (Assistenztrainer)

Tore

72' 0:1 Ruben Dos Santos (Penalty, Foul an Silas Adam)

90'+1' 0:2 Marco Günther (auf Pass von Joel Zambrano und Yannic Kubacki)

Karten

80' Joel Zambrano (nächstes Spiel gesperrt)

83' Ruben Dos Santos (3. gelbe Karte)

Stand gelbe Karten

4 Joel Zambrano

3 Ruben Dos Santos

3 Yannic Kubacki

2 Simao Lopes

Bemerkungen

Spitzenkampf auf der Aarolina

Parallel dazu schlägt FC United Hermrigen-Jens den FC Lengnau mit 3:2

Der FCB einen Punkt hinter Hermrigen auf dem zweiten Tabellenrang

Ein Faustschlag ins Gesicht von Denis Schneider wurde nur mit der gelben Karte bestraft

Ein Wort zum Gegner

Die gegnerischen Trainer haben sich zu etlichen abschätzigen Äusserungen gegenüber der Bank und Spielern des FCB hinreissen lassen. Dieses Verhalten entbehrt jeder sportlichen Haltung und ist eines Gastgebers unwürdig. Wo bleibt da die Vorbildfunktion? Der nicht rühmliche Einsatz eines Spielers des FCB kann es nicht gewesen sein, denn der stand zum Zeitpunkt der Äusserungen noch nicht auf dem Platz. Dies entschuldigt sein Verhalten keinesfalls.

Unter diesen Voraussetzungen ist der Abgang unseres Trainer nachvollziehbar.

Zum Schpiu

Schpät am Obe, Aarberg het ds Schpiu vo dr 2. Liga FC Aarberg - Azzurri Biel (1:0) vorzoge, isch es uf dr Aarolina am Obe am siebni in Aarberg zum Schpitzschpiu cho. Dr Trainer Patrick Meier het uf die glychi Ufschtellig wie gäge Ins Müntschemier gsetzt.

Erschty Haubzyt

Es isch es längs, es cheibe längs Abtaschte worde, bis ändleche chley Pfäffer y die Partie cho isch. D'Initiante für d'Würzig vom Schpiu sy nid üsi Manne gsy, es isch dr Gaschtgäber gsy, wo y dr 17. Minute e erschte, aber harmlose Schuss ufs Gou vom Noe Fankhauser abgschosse het. Bereits e Minute schpöter het üse Gooli mit em ne entschlossene Useloufe y letschter Not chönne rette. Aarberg isch dranne blybe und es geit nid lang schäpperets am Pfoschte vo Büre (24. Minute). Der FCB isch bemüeht, lot sich aber vom ne bessere Aarberg lo beydrucke. Dass üsi Manne viu z'töif schtöö, chunnt am Gägner entgäge. D'Matchuhr zeigt die 32. Minute, uf em Füüfer chönnt e Aarberger yschiebe, dischelet dr Bau z'lang und dr Noe Fankhauser cha fabulös rette. E sichere Rückhaut dä Noe, ihm isch es z'verdanke, dass es gäng no 0:0 schteit. Churz vor em Pousepfyff schtrycht e Schuss huchdünn über d'Latte vom FCB.

Aarberg het ir erschte Haubzyt dr Takt aagä und hät nach Adam Riese mit er e Füehrig y Pouse söue. Berächnig vo Expected Goals hät die Aanahm ungerschtützt. "Wer sie nicht macht, kriegt sie", hoffe mir doch! Ds Schpiu het eim nid grad vom Sitz grupft, darum chöme mir hüt texschtlech chley mager übere. "In der Kürze liegt die Würze", chame aus Entschuudigung lo gäute.

Zwöiti Haubzyt

Vorerscht gseht ds Trainergschpann vo Büre ke Grund a dr Ufschtellig umezniffele. Drüü Minute schpöter hey sie du glych gfunge, mou mir müesse öppis ändere. Ds "Opfer" isch dr schüsch sehr konschtant Noah Raul Zambrano gsy. Für ihn chunnt dr Ruben dos Santos is Schpiu. Büre het sich syne Qualitäte erinneret und versuecht, am Schpiu dr Schtämpfu ufzdrücke. Es isch nid gäng glunge, aber d'Schpiuaateile hey sich nodisno vom Negative is Positive gwandlet. Ig cha mir guet vorschteue, dass dr Patrick Meier ds töife Schtoo und dermit praktisch ds Übergää vom Mittufeld zum zäntrale Thema gmacht het. Uf au Fäu isch es besser worde und Büre isch vermehrt vor em gägnerische Gou uftouchet, vorerscht aber no ohni zu hochkarätige Chance z'cho. Mit e Grund, dass dr FCB nid dominanter het chönne ufträtte, isch die unerklärlichi Formbaisse vom Fabian Schuler gschuudet. Sorry Fäbu, wenn ig d'Leischtig vom Schpiu gäge Ins Müntschemier aus Verglych härezieh, het di kämpferischi Yschtellig und di Schpiuwitz hüt gfäut. Und du bisch haut eifach e Unterschiedschpieler, darum isch die Entscheidig, die 90 Minute lo z'loufe absolut nachvouziehbar, wuü du äbe so unberächebar bisch. Ig nime a, dass du mir mi Yschätzig nid bös nimmsch. Bisch anderer Meinig, lose ig dir sehr gärn zue. So, fertig uf em Fäbu umerütsche, es het jo no zää angeri Schpieler uf em Bitz.

Ds Schpiu isch flott hin und här, d'Zwöikämpf sy es Müü giftiger worde und me isch dr Ydruck nid los worde, wär die erschti Chrutze schiesst, geit jubelnd vom Platz. Ab der 60. Minute het Büre ds Zepter übernoo, ou wüu jitz dr FCB mee Loufarbeit y Chouf gno het und wüu dr Bau tifiger zum Mitschpieler gschpiut worde isch. So isch dä Match ou us optischer Sicht uf d'Büresyte gheit.

Y dr 72. Minute passiert dr matchentscheidend Momänt. Dr chraftvou Ysatz vom Silas Adam het nume no mit em ne Foul im Sächzähner chönne gschtoppet wärde. Souverän het dr Ruben Dos Santos dä Schtrafschtoss zur 0:1 Füehrig im rächte ungere Egge verrumt. Über die ganzi Schpiuzyt gseh, chame sich froge, öb die Füehrig verdient isch. Mir säge jo, wüu Aarberg y sir Drangphase eifach zu wenig chautschnöizig isch gsy und gueti Chance vergää het. Chunnt derzue, dass der FCB mit dr Leischtigsschteigerig ds Schpiu umegrisse het und vehemänt dr Torerfoug gsuecht het.

Y dr 80. Minute gseht dr Joel Zambrano die gäubi Charte und die het Fouge. Üse unschynbar, ab wichtig Mittufäudschpieler isch im Schpiu gäge Täuffelen gschperrt. Churz drufabe hout sichRuben Dos Santos, mi isch fasch versuecht z'säge, die obligati gäubi Charte und het scho wieder ds Konto uf 3 Stück ufegschrüblet. Notabene e Charte wo ke Sinn macht, wüu wyt und breit ke Gfahr y Sicht isch gsy.

Im Ändschpurt het dr FCB no ds zwöi Mou ds Gfüu gha, sie müesse hingerinne umegfätterle und e Priise Äktschen is Schpiu bringe. Dr umsichtig Denis Schneider und dr makulos Noe Fankhauser und ihri Manne hey aber nüt mee lo aabrönne. Im ne Gägeschtoss schpiut dr Joel Zambrano dr Yannic Kubacki a, dä schpiut mit em ne super Pass dr Marco Günther frei, zwöi, drüü Schritt und satt zum 2:0 vouschtreckt. Dr Marco Günther, scho gäge Ins Müntschemier e sichere Wärt, het ou hüt e tadulosi Leislchtig abglieferet. Völlig unnötig und sehr wahrschynlich us er e Absytsschtellig het dr FCB y dr 93. Minute no dr Aaschlussträffer müesse yschtecke.

Fazit

Aafangs ängschtlech und verhaute is Schpiu gschtartet het sich dr FCB im Verlouf vom Schpiu gschteigeret und schlussändlech die drüü Punkt us Aarberg entfüehrt. Ou söttigi Schpiu muess gwinne, wott me erfougrych sy. Mir gratuliere härzlech!