Die Nachricht, wo mir im FC Büren an der Aare hey müesse vernäh, tuet weh, macht unfassbar truurig und isch chum z'verchrafte.
Üse
Joel "Schöggu" Fuhrer
7. Mai 1997 – 23. Juli 2024
het üs viu z'früeh verloo.
Dr Schöggu isch e wäutoffne, luschtige und unterhautsame Kolleg und Fründ gsy. Öb uf em Schuttplatz, a de Schpiu, oder im Usgang, mi isch gärn mit ihm zämeghocket, het sich vo sir Läbesfröid lo aaschtecke und het sy Aawäseheit gnosse.
Schöggu – du bisch jitz nümme unger üs, und trotzdäm läbsch y üsem Härz wyter und blibsch presänt uf em Schuttplatz Lachen. Mir wärde dini feini und ufgschteuti Art vermisse.
De Aaghörige entbiete mir üses ufrichtige Mitgfüeu und üsi töifi Aateilnahm.
Dini FCB-Fründe
Comments