top of page

ES GROSSES MERCI A ÜSI TRÖIE FÄNS

Wuchenänd für Wuchenänd cha sich die erschti u mängisch ou die zwöiti Mannschaft uf e grösseri Tschuppele vo tröie Lütli verloh, wo praktisch a jede Ort uf dere Wäutchugele härereise um üsi Manne z'gseh. Es wird mitgfieberet, aagfüüret, zwieflet, dr Chopf gschüttlet, d'Häng verrüehrt, pääget, brüelet, gschtampfet, gschtuunet, gfluechet, gfutteret, gaagget, plagiert, prichtet, kritisiert und plöffet. Öb i churze Hose oder im Fauteschüp, i de Tschiins oder im Tschööpli, i de Schlarpe oder i de Schtögelischueh, öb Chly öb Gross, öb Dick oder Dünn, Fäns vo Büro si überau azträffe.


Es cha schtürme u schiffe, chutte u schneie, d'Sunne bränte oder chaut si das gütterlisch. Schiesseglych – mir si derby. E geili Truppe u meischtens uswärts de no ir Überzau. Wenn Büre chunnt, het nid nume dr Gägner Angscht, nei ou die wo ir Büvette schaffe wüsse was es gschlage het u organisiere Mann und Maus, für e Aschturm z'bewäutige.








Erschienen im Matchprogramm vom 19. Oktober 2019 FCB - FC Evilard

Aktuelle Beiträge

Alle ansehen